© Unknown author
E-Text: C.E.L.T.
1]
2]
Boí Conchubur & maithi Ulad i n-Emuin. No
3] tathigtis énlaith mag ar Emuin. Na gelltis conná
4] fácbatis cid mecnu na fér ná lossa i talam. Ba
5] tochomracht la h-Ultu a n-aicsiu oc collud a n-írenn.
6] Inlaat noí cairptiu dia tofunn láa n-and. Ar ba bés
7] leusom forim én. Conchubur dano i sudiu inna
8] charput & a ingen Deichtine os sí macdacht. Is sí
9] ba harae dia hathair. Errid Ulad olchenae inna
10] carptib .i. Conall & Lóeguire & cách olchenae. Bricriu
11] dano leu.
12]
Fosrumat ind éuin remib dia ndaim tar Slíab
13] Fúait, tar Edmuinn, tar Brega. Ní bíd clad ná airbe
14] ná caisel im thír i n-Ére ind amsir sin [co tánic
15] remes mac n-Áed Sláni] acht maige réidi. [Ar imad
16] na treb dano ina remis side is aire conópartatar
17] cocrícha i n-Ére]. Ba hálaind & ba caín in t-énlorg
18] & in t-énamar boí leu. Noí fichit én dóib, rond argit
19] eter cach dá én. Cach fiche inna lurg fo leith, noí
20] luirg dóib. Samlaid dá én bátar remib, cuing argit
21] etarru. Toscartha trí héuin díb co haidchi. Lotir
1] remib i cend in Brogo. Is and ba hadaig for
2] feraib Ulad. Feraid snechtae mór foraib dano.
3] Asbert Conchubur fria muintir ara scortis a cairptiu
4] & ara cortis cor do chuindchid tige dóib.
5]
Luid Conall & Bricriu do chur cúarta. Fofúaratar
6] óentech nue. Lotar ind. Foráncatar lánamain and.
7] Boíthus fáilte. Lotar ass coa muintir. Asbert
8] Bricriu níbu fíu dóib techt don tig cen brat cen
9] biad. Ba cumung dano cid ar indus. Lotar dó
10] cammaib. Tobertatar a cairptiu leu. Ní gabsat
11] na m-már isin tig. Co n-accatar talmaidiu dorus
12] cuile friu. In tan ba mithig tabairt biid dóib,
13] batir fáilti meisc íarom fir Ulad, & ba maith a tunithe.
14] Asbert in fer fri Ultu íarom boí a ben fri idna inna
15] cuili. Luid Deichtine a dochum, atdises, birt mac.
16] Láir dano boí i n-dorus in tige trogais dá lurchuire.
17] Gabsit Ulaith íarom in mac, & dobertsom na
18] lurchuiriu do macslabrai don mac. Alt Deichtine
19] in mac.
1]
Tráth ba maiten dóib conda accatar ní i n-airthiur
2] in Broga cen tech cen éunu acht a n-echrada fadésin
3] & a m-mac cona lurchuirib. Totháegat íar sin do
4] Emuin. Alair leu a m-mac combu blaicce. Dafúabair
5] galar íar suidiu. Atbail de. Ferthair a gubae. Ba
6] már a sáeth la Deichtini díth a daltai.
7]
Baísu luge do dig oc tintúd ón gubu. To-thlugestar
8] dig a llestur umai. Dobreth dí co n-dig.
9] Nach mod donbered dia bélaib, dolinged míl mbec
10] íarsin lind dochum a bél. Ó ra uccad ó bélaib, nacc
11] ní i n-neuch, sceinti lea hanáil o chud. Contuli íarom
12] [i]nd adaig. Co n-accai ní, in fer cuice atagládastar.
13] Asbert fria robad torrach úad, & ba hé noda bert a
14] dochum don Bruig, ba leis fetir, ba aí in mac altae,
15] & ba hé totharlae inna broind, & bid Sétantae a ainm.
16] & ba hésse Lug mac Ethnenn, & co n-alta ind lurchuiri
17] don mac.
1]
Ba torrach didiu ind ingen. Ba ceist mór la
2] h-Ultu nádcon fess céle fora seilb. Domét ba ó
3] Chonchubur tre mesci, ar ba leis no feod ind ingen.
4] Arnenaisc íarom Conchubur a ingin do Súaldaim mac
5] Róich. Ba már a mélacht lea techt cosin fer i n-imdai
6] os sí alacht. In am luide don chrunn síuil bruitis bí
7] a croith innallaile, combu ógslán. Luid cosin fer
8] íarom. Ba torrach aitheruch ellam. Birt mac.
9]
Gabsi Caulann cerd. Ba sí a aite. Marbaisseom
10] a choin side íarom, in tan ba ngillae oc cluichiu,
11] combu íarom asbertsom : 'Bid meisse do chúso, a
12] phopae.' Conid de ran gíuilseom íarom Cú Chulainn.
13]
Is and sin íarom bátar Ulaid i comthinól i n-Emuin
14] Macha in tan brethae in mac. Bátar íarom oc
15] imchosnam cía díb no eblad in mac, & lotar i m-breith
1] Conchubuir. Asbert Conchubur: 'Beir duit, a
2] Finnchóem, in mac', ol Conchubur. Doécci Finnchóem
3] in mac íarom. 'Carais mo chridesea in mac so', ol
4] Finnchóem, 'conid cumma lem & bid é Conall
5] Cernach.' 'Is bec duit etarru', ol Conchubur, '.i.
6] do mac féin & mac do derbfethar.' Conid and ro
7] cachain Conchubur in so :
- 8] Sochlae bríg Becfoltach,
9] buithe dag Deichtire,
10] domróet riasnaib secht carptib,
11] sephaind úacht d'echraidib,
12] arunutedaig ernithib,
13] donuc for sét Sétantai.
14]
'Gaib duit in mac', ol Conchubur béos fria fiair.
15] 'Níba sí nod n-ebla ém', ol Sencha, 'acht is messe
16] nod n-ailfea, ar am trén, am trebar, am án, am athlam
17] athargaib, am ollam, am gáeth. Nídam dermatach.
18] Adgládur nech ria ríg, arfochlim a insce, admidiur(sa
19] ríg) i cath ria Conchubur cathbúadach. Concertaim
20] bretha Ulad & nís n-insurg. Ním thorgnea eter aite
21] aile inge Conchubur'.
22]
'Cid messe ém nod ngaba', ol Blaí Briugu, '(ní
23] epéla faill) ná éislis lemsa. Ro ferat m(o thechta tosca
24] co Conchubur). Congairim firu Érenn. (Nos bíathaim
25] co cend) sechtmaine nó de(ch)ma(ide. Fosuidiur
26] a n-dánu & a n-díberga. Forriuth a n-écnach & a
27] n-enechgressa amin.'
28]
'Is anble sin',) ol Fergus. 'Dorróega (trén occai,
29] is messe nod n-ebla. Am trén, am trebar, am techtaire,
1] ním táthar ar feib ná ar indmus. Am amnas
2] ar gail & gaisciud. Am gníae frim tháir. Am túalaing
3] mo daltai. Am dín cech dochraite. Dogníu dochur
4] cech tríuin, dogníu sochur cech lobair.'
5]
'Cía contúaisi frim', ol Amorgen, 'ní arthai.
6] Am túalaing altroma do ríg. Rom moltar ar cech
7] feib, ar mo gail, ar mo gaís, or mo thocud, ar m'áes,
8] ar m'erlabrai, ar áini & calmatus mo chlainde. Cébo
9] flaith, am file, am fíu do rath ríg. Arurg cech n-errid.
10] Ní tuillim buidi do neuch acht do Chonchubur. Ní
11] comul fri nech inge fri ríg nammá.'
12]
Asbert Conchubur: 'Ní bía tra bá di sodain. Gaibed
13] Finnchóem in mac co rísam Emuin co fuiglea Morann
14] imbe.'Lotar ass íarom co h-Emuin, & in mac la
15] Finnchóem. Ro fuigill Morann íarom íar ríachtain
16] dóib co h-Emuin, & asbert-side:
17]
'Atnoad Conchubur ém', ol Morann, 'ol is cét-
18] aicce Finnchóem. Atmenad Sencha setait sceo
19] erlabrai. Ra m-bíatha Blaí Briugu. Berar do glún
20] Ferguso. Ba aite dó Amorgen. Bad chomaltae dó
21] Conall Cernach. Dí chích a máthar cích Finnchóeme.
22] Ba cumma no n-damnaigfetar uili etir errid & ríg &
23] ollamain, ol bid carae sochaide in mac so. Is cumma
24] dofich far n-enechgressa uili, arfich far n-áthu ocus
25] far n-irgala uile in mac so.'Is ed dogníth de íarom:
26] berthi Amorgen ocus Finnchóem, co n-alt i n-Dún
27] Imbrith i m-Mag Murthemni).
compiled by Beatrix Färber,
Funded by University College, Cork and
Professor Marianne McDonald via the CELT Project
1. First draft, revised and corrected.
Extent of text: 1 224 words
College Road, Cork, Ireland
(2000)
Distributed by CELT online at University College, Cork, Ireland.
Text ID Number: G301013
Availability [RESTRICTED]
Available with prior consent of the CELT programme for purposes of academic research and teaching only.
[RESTRICTED]
Hardcopy copyright lies with the School of Celtic Studies (Dublin Institute for Advanced Studies).
CELT: Corpus of Electronic Texts
The present text represents pages 1-8 of the volume.
Text has been checked and proofread ///n times. All corrections and supplied text are tagged.
Hyphens have been inserted after mutated words with h- in anlaut and after nasalisation. When a hyphenated word (hard or soft) crosses a page-break, the page-break is marked after the completion of the hyphenated word.
Personal names and place names have been tagged.
Created: By one or more unknown author(s). One version of the tale was preserved in the lost Book of Druim Snechta (first half of the eighth century). Version 2 represents an enlarged form of version 1 and must be later (perhaps later eighth or ninth century). Date range: c. 740-860, at various and unknown dates.
CThe whole text is in Old Irish
Beatrix Färber (ed.)
Pádraig Bambury (ed.)
Mavis Cournane (ed.)
Audrey Murphy (ed.)
Staff at Titus Project (ed.)
© Aerius, 2004